بیر شاعیر صاف- صاف دولانیر تنهالاردا، شعیر سویله یرك

 

 

كوهنه مكتوبلار

 

خبر گلر داها عمرون قیشیندان،

سویویارسان –

ساچلارینا قار دوشر

آنجاق كوهنه كیتابلارین ایچیندن

هردن - هردن

كوهنه مكتوبلار دوشر .

 

اییلرسن گوتتورسن گیزلیجه

بویلانارسان-

آرواد اوشاق گورمه سین

چكیلرسن اوتاغین بیر كونجونه

گیزلی گیزلی اوخویارسان هر سوزو.

 

بو نه سئوگی مكتوبو دو ایلاهی

ایندی یه جن آغری ییر هر سوزو ده.

یازان قیزین نه یدی آدی ایلاهی؟

یاددان چیخیب صیفتی ده، اوزوده.

 

اوخودوقجا لال سطیرلر سسله نیر،

یاواش- یاواش دوشر یادینا.

بیر حرفدن - قاشی دوشر یادینا

بیر حرفدن – گوزو دوشر یادینا

 

او گوزلردن یادیگار تك واراقدا

گوز یاشی نین لكه سینی گوره رسن.

بیردن دونو خیشیلدایار اوتاقدا

پنجره دن كولگه سینی گوره رسن.

 

دیكسینرسن بویلانارسان قاپی یا؛

"او كولگه نی آرواد - اوشاق گوردومو ؟!"

تئز مكتوبی آتارسان كول قابی یا

یاندیرارسان هر سوزونو سطرینی.

 

سوزلر یانار كاغیذی دا یاندیرار

سوزلر یانار، او قیزی دا یاندیرار

سوزلر قاچار،  او آلوون ایچیندن

سن باخدیقجا

باسار سنی سویوق تر.

سیرا سیرا قارا قاریشقالار تك

قاچیب گئدر قارا – قارا حرفلر.

تكجه او قیز قاچا بیلمز بو اوددان

بیر قوش اولوب اوچا بیلمز بو اوددان

او قیز یانار بو آلوون ایچینده

گویه قالخار او آلوون دیل لری

او آلوون دیل لرینه سارماشیب

یانار- یانار  اوزون  - اوزون تئللری

یانار بیر واخت ساچلارینی اوخشایان

اوزون  - اوزون بارماقلاری اللری.

 

او قیز یانار-

 ارشه چیخار توستوسو

كاغیذ یانار

كول قابیدا كولله نر.

قفیل بیردن

كول قابی نین ایچیندن

یئره دوشوب یئره اوزوك دیییرله نر.

 

لاپ اوزونو ایتیررسن - باخارسان

او اوزویو گوتوره رسن باخارسان

بو اوزویو آخی هاردا گورموسن؟

بو اوزویو گورمه مسن بلكه هئچ.

سن او قیزا هاچان اوزوك وئرمیسن؟

اونا اوزوك وئرمه میسن بلكه هئچ.

 

اروادیندا قافیل گیررقاپیدان:

-الینده كی نه دی - ؟ - دئیر.

-اوزوك دو.

- او اوزویو نه یاخشی كی تاپمیسان

نئچه واخت دی ایتیرمیشدیم گزیردیم.

 

سونرا گلر سندن آلار اوزویو:

-بونون رنگی نییه بئله قارالیب؟

بارماقینا گوجله سالار اوزویو :

-ائله بیل كی بیر بالاجا دارالیب .

 

كول قابیندان توستو قالخار هله ده.

او مكتوبون كولو هله ایشارار

ماددیم- ماددیم دوروب باخار آروادین

او توستودن بیر جوت گوزو یاشارار.

 

-هیچ اولماسا پنجره نی آچ – دئیر

بوردا نئجه اوتورموسان سن نئجه ؟!

بو نه یانیق قوخوسودو، ایلاهی

ائله بیل كی آدام یانیب ایندیجه...

رامیز روشن





ادامه مطلب...

گؤنده ریلیب تاريخ چهارشنبه 29 مرداد 1393یازار احمد محمدپور



بَزَكلی سئوگی

 

باهاردان باهارا چیخان گوللرین

بَزَكلی عشقینه اعتیبار یوخدور

*************


باغیشلا اوخشاتد یم  اولدوزا، آیا

آلتین گونشده ده او چیخار یوخدور

 

اوزونده بیلیرسن منده بیلیرم

دونیاداكی سنه بیر اوخشار یوخدور

 

زاهید قولاغینی آچ ائشید گینن

سئویب سئویلمكده نئجه كار یوخدور

 

عؤمرون بوش بوشونا یوخلوغا [1] گئدیر

سئوگی سیز باهاردا كال نوبار یوخدور

جننت ایسته یرسن جان قورخوسوندان

بیزه جاندان شیرین بیر قومار یوخدور

 

قورتولوش [2] كندیری[3] ساندیغیم ساچدان

شیرین جان آلیجی اوجا دار یوخدور

 

بوراخ، بیرلشمه یه قه نیم[4] اینادی  [5]

سنسیزلیك چكمه یه دای اینجار[6] یوخدور

 


احمد محمدپور



[1]- یوخلوق : حایاتدان اونجه اولان بوشلوق، وارلیغین ترسی ] نابودی، نیستی[

[2]- قورتولوش : آزادلیق

[3]- كندیر : ایپ ، ]طناب[

[4]- قه نیم : قان توكه ن، ]دوشمان[

[5]- ایناد : منطیق سیز زوراكی فیكیر

[6]- اینجار: تاوان، زور 



ادامه مطلب...

گؤنده ریلیب تاريخ دوشنبه 27 مرداد 1393یازار احمد محمدپور
.




بو کوکده یاشاماقدان

                  وارسا اولوم یاخشیدیر....


ادامه مطلب...

گؤنده ریلیب تاريخ سه شنبه 21 مرداد 1393یازار احمد محمدپور

تا دولاندیردون منه ای ماه سیما گوزلرون
گوستریبدور منده اعجاز مسیحا گوزلرون


یل ووروب زولفون سالاندا صفحه رخساروه
بیر ایشاریله خسوفی ائتدی معنا گوزلرون


كیمدن اوره نمیش نگارا بیلمیرم غارت یولون ؟
بیر باخیشدا هر نه ییم وار ائتدی یغما گوزلرون


من دئدیم دل مولكونی تسخیر ائده نمز بیر نفر
یازدی كونلومده ولی انا فتحنا گوزلرون



ادامه مطلب...

گؤنده ریلیب تاريخ سه شنبه 21 مرداد 1393یازار احمد محمدپور

فلسفه‌نین دؤرد تاریخی دؤنمی | دوغان اؤزلم | ایواز طاها

Philosophy4

ایلك باخیشدا فلسفه‌نین یالنیز موطلق‌لر دوزه‌لییینده گزیندییی گؤرونور. باشقا سؤزله، بیرچوخ‌لاری فلسفه‌نین زامانسیزلیغا سارماندیغینی گومان ائدیرلر. لاكین بو یالنیز بیر آرزودور. گئرچك فلسفه أن یاخین زامان و مكانا باغلی سورولارا تپكی‌لردن باشلانیر. بونون اوچون آلمان مكانی‌نین فلسفه دقیقه‌سیندن سؤز آچماق اولار، فلسفه‌نین ایسه آذربایجان دقیقه‌سی باره‌ده یالنیز سوسماق اولار. اؤرنه‌یین، ائرنئست كاسیرئرین “سیمگه‌سل بیچیم‌لرین فلسفه‌سی”[1] كیتابی یالنیز آلمان مكانیندا و نازیزم اؤنجه‌سی بیر زاماندا یازیلا بیلردی. كاسیرئر میف‌لرده سونرالار فاشیزمه گتیریب چیخاراجاق موتیولری سئزیر. اوزاغا گئتمه‌یك، بیزده “كیملیك آختاریشی و دیل دئوریمی” باخیمیندان شعر بونجا اؤنم قازانماسایدی، منیم ده ایكی كیتابیم[2] ایشیق اوزو گؤره بیلمزدی. فلسفه‌نین بو مكانلیلیق و زامانلیلیغی دانیلمازدیر. آشاغیدا آدی چكلیمیش فلسفه آخیم‌لاری دا بونون بیر ثبوتودور. آنجاق فانی و دییشكن یاشامدان تؤره‌نن سورو‌لار، یالنیز موطلق‌لیك و أبدی‌لیك آختاریش‌لاری ایله توختاقلیغا قووشور.
آنتیك چاغ:
اینسان اؤزونو هر شئیی قاپسایان بیر بوتؤولویون، یعنی “كوسموس”ون بیر پارچاسی اولاراق قاوراییر. كوسموس’ـا تام گئنل، قاچیلماز و سون‌سوز بیر یاسا[3] (دوغا یاساسی) حاكیم‌دیر. بو یاسایا، اینسان‌لار كیمی تانری‌لار دا، جان‌سیز نسنه‌لر كیمی جان‌لی وارلیق‌لار دا عئینی بیچیمده تابع‌دیرلر. اینسان، “ماكروكوسموس” [عالم الاكبر] قارشیسیندا بیر “میكروكوسموس”دور [عالم الاصغردیر]. اینسانین تینی (اینسان ذهنی، اینسان عاغلی) نسنه‌لرین، وار-اولوشونو دوزنله‌ین تمل دوزه‌ن ایلكه‌سینه (“nous”, “logos”) دایاناراق چالیشیر و اونونلا ائش‌توردن‌دیر. بئله اولدوقدا، فلسفه‌ده أن یوكسك آماج، نسنه‌لرین تانریساللیق‌لا عینی اولان “اؤز”ونو سئیر ائتمك‌دیر. (theoria)
اورتاچاغ:
“موطلق آنلام” ائورنده دئییل، اونو یاراداندادیر. بو آنلاما وارماغین بیرجه یولو ائوره‌نی یارادان تانرییا دویولان اینسانی بیر اینام‌دیر. تانری ائوره‌نین یارادیجی‌سی‌دیر؛ او ائوره‌نین ایلك یارادیجیسی، عئینی زاماندا أره‌یی‌دیر [غایتی‌دیر]. آریستوتئل‌چی تئرمینولوژییه گؤره، تانری هم ائتكین-ندن[4] ، هم ده أره‌ك-ندن[5]‌دیر. بو باخیمدان ائوره‌نین تك‌باشینا بیر ده‌یری یوخدور، اونون ده‌یری ایكینجیل‌دیر. او، یئتیشه‌‌جه‌ییی أره‌ك باخیمیندان اؤز ایچینده بیر هیئرارشی، عینی حالدا تك‌مرحله‌لی‌ دوزه‌ن‌‌ ده گؤستریر. بو دوزه‌ن، أن آشاغی اؤگه‌لردن باشلاییب اینسان اوزه‌ریندن كئچه‌رك تانرییاجان اوزانیر. اینسان، “تانری‌نین یئر اوزونده‌كی تمثیلچیسی‌دیر.” اینسان روحو، سون مقامدا تانرییا یؤنه‌لیك‌دیر. فلسفه، بو ائوره‌نده‌كی بیلگه‌لیك اولاراق، ایناما دایانان بیلگه‌لیك یانیندا ایكینجی یئری توتور. او، ایمان و تئولوژی یانیندا آنجاق “تئولوژی‌نین تؤره‌مه‌سی” اولاراق بیر ایشله‌وی یئرینه گتیریر. دئمه‌لی اونون، “ایمانین اؤن اوتاغی”، “ایمانا كئچیش دهلیزی” اولماق كیمی بیر قونومو وار. آمما اورتاچاغین سون‌لارینا دوغرو فلسفه، تئولوژی ایله گئتدیكجه آرتان بیر قارشیتلیق سجیه‌سی قازانیر. بونون سونوجو اولاراق، فلسفه‌نین “عاغیلا دوغرو” ، تئولوژی‌نین ایسه “ایمانا دوغرو” یؤنلدییی آیدینلاشاراق بیر هاچالانما باش وئریر.
یئنی چاغ:
یئنی دوشونجه، گئتدیكجه آرتان بیر شكیلده اینسانی اورتایا گتیریر. دئكارتین تمل اؤنرمه‌سی بودور: «دوشونورم‌سه وارام.»[6] بو اؤنرمه، اورتاق بیر فلسفه اولوشدورماق اوچون سؤیكنمه‌سی گره‌كن تمل ایلكه‌یه چئوریلیر. سونوندا ایسه كانت’ین “كوپئرنیكوس‌-واری دئوریم”ینده أن یوكسك زیروه‌یه قالدیریلیر. بونا گؤره، اینسان تینی (عاغیل، ذهن، من‌لیك) نسنه‌لره بیرباشا یؤنلمیر، چونكو نسنه‌لر اینسان آنلیغی اوچون اؤنجه ایشلنمه‌سی گره‌كن ملزمه‌لر دوروموندا‌دیرلار. باشقا سؤزله، تجروبه‌لر خام بیچیمده بئینه سیزا بیلمیر،


اونلارین ذهن سوزگجیندن كئچمه‌سی گره‌كیر. بیلگی،Philosophy3
نسنه‌لرین ذهنیمیزده‌كی دوغرودان جانلانماسی دئییل، ترسینه، آنلیغیمیزین نسنه‌لره باغلی دویوم‌لاما‌لارین ایشله‌مه‌سی‌نین اورونودور. بونونلا دا فلسفی چئوره‌نی ایشیقلاندیران “یئنی گونش” دوغور. بو گونش نه یونان‌لارین “كوسموس”ـو اولور، نه ده اورتاچاغین “تانری”سی؛ یئنی گونش اینسان عاغلیندان باشقا بیر شئی دئییل‌دیر. اوسچولوق دا، ائمپیریزم ده، بو گلیشیم ایچینده، هر ایكیسی اؤزنه‌دن باشلایان ایكی آنا آخیما چئوریلیر. بیرینجیسی اؤنجه‌لیك‌له اینسانا بیر عاغیل وارلیغی اولاراق باخیر و عاغلی سون باش‌وورو یئری ساییر. ایكینجیسی اوچون ایسه اینسان بیر دویو وارلیغی‌دیر و دویوسال تجروبه‌نی هر تورلو فلسفه‌نین سؤیكه‌نه‌جه‌یی اورتام سانیر. (بونا گؤره بو آخیم سئنسوالیزم اولاراق دا آنیلیر.) بونونلا دا آلمان ایدئالیزمی، یئنی‌ چاغین سون‌لاریندا تكرار یونان‌لارین ماكروكوسموس میكروكوسموس اؤیره‌تیسینه قاییدیر. اؤرنه‌یین هئگئل، بوتون گئرچكلییی بیر “موطلق”ین، یعنی “بؤیوك اینسان”ین و یا اینسانلاشدیریلمیش[7] عاغلین تاریخی آچینلانماسیندا گؤرور. اینسان خمیریندن یوغرولموش بو تانری (دونیا تینی، عاغیل) اؤزونو بیر تاریخی گلیشیم سوره‌جی اولاراق آنلاییر.
چاغداش فلسفه:
ایدئالیست گؤرونوشونون پارچالانیب داغیلماسییلا چاغداش فلسفه‌نین باشلادیغی آرتیق دانیلمازدیر. بو فلسفه، سوموت اینسانا، اونون تاریخی یاشامی‌نین درینلیینه و بو یاشامین هر تورلو فنومئنینه یؤنلمك ایستر. اورتاچاغ “تانری”نی تاختا چیخارمیشدی، یئنی‌چاغ ایسه “تین”ی و “دوشونجه”نی. لاكین چاغداش فلسفه “تین” و “دوشونجه”نی ده تاختیندان ائندیریر. چونكو، آرتیق “تین” و “دوشونجه” یالنیز اینسانی یاشامدا اورتایا چیخان فئنومئن‌لر اولاراق گؤروله بیلیرلر. اونلار أن اوزاغی آیری آیری مدنیت‌لرده اورتایا چیخان اوست‌یاپی‌لار، اینسانی یاشامین یانسیما‌لاری اولاراق گؤز اؤنونه آلینا بیلیرلر. بوتون اینسانلیغا ائگئمئن “بیر ایدئیا” یوخدور. بیر “ائوره‌ن‌سل عاغیل” یئرینه، هر كولتوررون اؤزه‌للشمیش چئشیدلی “دونیاگؤروشو”، یا دا داها علمی بیر دئییم‌له، “مئتافیزیكسل سیستئمی” واردیر. بوتون اینسانلیغا عاید “تین”دن سؤز آچماق گره‌كیرسه، بو، آنجاق سؤزو گئدن دونیاگؤروش‌لری‌نین رقمی بیر توپلامیندان عیبارت اولا بیلر. چاغداش فلسفه‌‌نین تمل اؤزه‌‎‍للییی اولاراق بونو دئمك اولار: هر تورلو كولتور فئنومئنی كیمی فلسفه ده “اینسان‌سایاغی آنلام یاراتمالار”ین اورونودور. بونونلا دا اونون یئتیشدیریله‌جه‌یی أن یاخشی تورپاق «چوغولچو [كثرت‌گرا] توپلوم» مودئلی‌دیر.
_____________________
قایناق:
Günümüzde Felsefe Disiplinleri, Doğan Özlem, Ara Yayıncılık.
[1] بو كیتاب 1923-1929-جو ایل‌لرده، آلمان اولوسونون یئنیلگیسی و فلاكتی ایل‌لرینده یازیلمیشدی. The Philosophy of Symbolic Forms
[2] بؤیوك كاسیرئرین قارشیسیندا كیچیك بیر اؤیرنجی اولدوغوم اوچون موقاییسه ائتمك ایسته‌میرم، اؤرنك گتیریرم. مقصدیم بیر نئجه دفعه باسیلیمش “شعر وارلیغین ائوی‌دیر” و هله باسیلمامیش “آنجاق شعر، بیر آز دا سئوگی، دوشونجه و سیاست” باشلیقلی كیتاب‌لاردیر.
[3] “nomos physikos”, ‘lex naturalis
[4]ausa efficiens علت فاعلی 
[5] causa finalis, علت غایی
[6] cogito ergo sum
[7] آنتروپومورفیزه ائدیلمیش


ادامه مطلب...

گؤنده ریلیب تاريخ یکشنبه 19 مرداد 1393یازار احمد محمدپور


.

DESEM Kİ … ( Cahit Sıtkı TARANCI )


Desem ki vakitlerden bir Nisan akşamıdır ,

Rüzgarların en ferahlatıcısı senden esiyor ,

Sende seyrediyorum denizlerin en mavisini,

Ormanların en kuytusunu sende gezmekteyim ,

Senden kopardım çiçeklerin en solmazını ,

Toprakların en bereketlisini sende sürdüm ,

Sende tattım yemişlerin cümlesini .

Desem ki sen benim için , Hava kadar lazım,

Su kadar mübarek , Nimettensin ,nimettensin !


Desem ki…

İnan bana sevgilim inan ,

Evimde şenliksin , bahçemde bahar ,

Ve soframda en eski şarap .

Ben sende yaşıyorum ,

Sen bende hüküm sürmektesin.

Bırak ben söyleyeyim güzelliğini ,

 Rüzgarlarla , nehirlerle, kuşlarla beraber .

Günlerden sonra bir gün ,

Şayet sesimi fark edemezsen,

Rüzgarların , nehirlerin , kuşların sesinden ,

Bil ki ölmüşüm .

Fakat yine üzülme , müsterih ol ,

Kabirde böceklere ezberlettim güzelliğini ,

Ve neden sonra

Tekrar duyduğun gün sesimi gökkubbede ,

Hatırla ki mahşer günüdür ,

Ortalığa düşmüşüm seni arıyorum …


Cahit Sıtkı TARANCI


بو شعرین 

سس فایلینی آشاغیدا كی لینكدن دینله ییب و ایندیره بیلرسینیز

desam ki 




ادامه مطلب...

گؤنده ریلیب تاريخ سه شنبه 14 مرداد 1393یازار احمد محمدپور