بیر شاعیر صاف- صاف دولانیر تنهالاردا، شعیر سویله یرك

                                                          



 

باهاردا، سئوینجک ، آچان گؤللرین

عؤمرؤ قیشدا بوران قارا باغلیدیر

 

قارا[1] قوماربازیق،کور اومودوموز

صاباح کی، شانسلی قومارا باغلیدیر

 

یوخسول کؤنلوموزون یازیخ گومانی

گولومسر بیر شوخ ایلقارا[2] باغلیدیر

 

گؤزوننن دوشموشم کیپریکلرینه

الیم، اوزولموش  بیر تارا باغلیدیر

 

بیر گؤز قیرپیمینا باغلیدیر سونوم

گؤر هاردان قیریلمیش هارا باغلیدیر

 

قالارگی[3] سئوگیلر، اؤره ییمیزده

حایات آدلی بیر دامارا باغلیدیر

 

سئوگین ائل عالم نن قورتولوش دوسا

نه دن سئونلرین دارا باغلیدیر


 یازار: احمد محمدپور



[1]- قارا : بویوک،

[2]- ایلقار : وعده، عهد پیمان

[3]- قالارگی: همیشه لیک، جاویدان


گؤنده ریلیب تاريخ ثابیت یازییازار احمد محمدپور