بو سئوگی
سانما سونا چاتار سن سئومه ینجه
خیاللاردا سن سیز یاشار بو سئوگی
نئجه کی سن وارسان من وارام، یوخ یوخ
کؤچوب گئدَریک بیز یاشار بو سئوگی
******************************
بال دوداقلارینین حسرتین چکیب
یانیخلی موغاملار قوشار بو سئوگی
دولموش گوز بَبَه ییم ائله یاغار کی
داشیب سرحدلردن [1] آشار بو سئوگی
چکدیگین داغلاردا شیرین ایزی وار
اویسا زیرویه دیرماشار بو سئوگی
بیرگونولوک آخار سو دوراغی[2] دئییل
سون سوز بیر گؤزه دن[3] جوشار بو سئوگی
آمان دیر گل، گوزون اوستونده اولسون
آزدیران[4] چوخالیب، چاشار بو سئوگی
احمد محمدپور - 86 - پاییز
[1]- سرحد : باش اوجو، مرس، ]مرز[
[2] - دوراخ( دوراق): یول اوستونده دورماق اوچون بیر یئر، ]ایسگاه[
[3]- گؤزه : بولاغ و چایلارین قایناق یئری، ]سرچشمه[
[4]- آزدیرماق : دؤز یولدان چیخاردماق،
ادامه مطلب...
گؤنده ریلیب تاريخ دوشنبه 23 شهریور 1394یازار احمد محمدپور