بیر شاعیر صاف- صاف دولانیر تنهالاردا، شعیر سویله یرك
دوستلاری سالاملاماق همشه  كی كیمی نه گوزل.
ایش پروبلملریندن دولایی یئرسیز آرار وئردیكلریم و بلاگی یئنیله مگه فورست تاپمادان و ده یاشایشین دونگه بوروخلاریندا چاش باش دوشمكدن قورتاریب هر كسی سالاملایرام.
بلاگی یئنیله مگه، نصرت كسمنلی نی ، سئوگی و حسرت شعرینین سولطانین اوزومه توتوب آغلاما گؤزلریم شعریله یئنی بیر دونم باشلایرام.
بیرده عزیز اوخوجولاردان و اؤزلیكله شاعیر دوستلاریمدان ایسته ییرم نظر و تنقیدلرینی آرشیوده كی شعرلریمدن ده اسیرگه مه سینلر.




آغلا گؤزلریم


بو دردین قوینونا اؤزون آتیلدین ،
نییه گونش تكی بیردن توتولدون .
سن گؤردون ، سن سئودین ، سن آلدادیلدین ،...
ایندی پئشیمان سان ، آغلا ، گؤزلریم .


فریادیم هر سؤزه كیریین دئییل ،
قلبیمده یورد سالیب ، یئریین دئییل.
كدریم گولوشله اریین دئییل ،
اومیدسیز گومان سان ، آغلا ، گوزلریم .


هردن بولود كیمی بوشالدین ، دولدون ،
غملی باخیشینلا یوللاردا قالدین .
سئودین ، سئودیینه پئشیمان اولدون ،
ایندی آه - آمانسان ، آغلا گؤزلریم .


آخیب گیله - گیله دورولاجاقسان ،
یوللارا باخماقدان یورولاجاقسان .
آغلایا - آغلایا كور اولاجاقسان ،
قارا بیردومانسان ، آغلا، گؤزلریم .


*نصرت كسمنلی*



ادامه مطلب...

گؤنده ریلیب تاريخ یکشنبه 13 بهمن 1392یازار احمد محمدپور