سن سئودیگین اویونجاق
بیر اوشاغین
هوروت هوروت [1]باخیشیندان سسیم گه لیر
ایسته میره م، یئكل میره م
یئكلماغی ایسته میره م
آد قویدولار اوستومه
یئكه لیب سن دئدی لر
اویونجاغیمی آلیب اوزگه سینه وئردیلر.
آیریلقا دوزمه یی، سئوگی دن ال اوزمه یی
اوشاغی كن بیزله ره، بئله سی اویره تدیلر
اوشاغ دئیل سن كی سن یئكلیب سن دئدیلر
*****************************
ایندی منیم
بوم بوش قالیبدیر قوجاغیم
هانی منیم اویونجاغیم
اویونجاقسیز هایاتی من نئیلی رم
آخی اونسوز حایات نه دیر بیلمیرم
بو دئیلدی اویونوموزون قورالی[2]
من اویوركن[3] سیز چالاسیز[4] اویونجاغی
نئجه گلدی اوره گیزدن نئجه قی دیز
نئجه قیدیز من كیمسه سیز
حایات بویو گولومسه سیز[5]
یئنه ده اورتاقسیز[6] قالام
یئنه اویونجاقسیز قالام
قاییدماسا اویونجاغیم
بوش قالمالیدیر قوجاغیم
سویوخلار ایچره سیجاغیم[7]
سیجاق دیه سیغینجاغیم[8]
منیم اسكی[9] درد اورتاغیم
منیم گوزه ل اویونجاغیم
من سنسیزم آما سنی بیلمیرم.
هر زاماندا هارداساقدا
بیر آرادا اولماساقدا
دوشونمه كی اونوتموشام
داها سنی سئومیرم
من سنسیزم آما سنی بیلمیرم.ادامه مطلب...