Ağlamak için gözden yaş mı akmalı?
Dudaklar gülerken, insan ağlayamaz mı?
Sevmek için güzele mi bakmalı?
Çirkin bir tende güzel bir ruh, kalbi bağlayamaz mı?
Hasret; özlenenden uzak mı kalmaktır?
Özlenen yakındayken hicran duyulamaz mı?
Hırsızlık; para, malmı çalmaktır?
Saadet çalmak, hırsızlık olamaz mı?
Solması için gülü dalından mı koparmalı?
Pembe bir gonca iken gül dalında solmaz mı?
Öldürmek için silah, hançer mı olmalı?
Saçlar bağ, gözler silah, gülüş, kurşun olamaz mı?Victor Hugo
ادامه مطلب...
دونیا ادبیاتیندان بیر یاپراق/ توركجه چئویرن، ایواز طاها
شیركو بیكئس’دن دؤرد شعر
1
ماهنی‌لاریمدان گولو قوپارسالار
بیر مؤوسیم اؤله‌جك
سئوگینی آلسالار
ایكی مؤوسیم اؤله‌جك
چؤره‌یی سه آلسالار
اوچ مؤوسیم اؤله‌جك.
آنجاق اؤزگورلویو،
منیم ماهنی‌لاریمدان
اؤزگورلویو آلسالار
ایل، بوتون ایل اؤله‌جك.
2
داغ شاعیردیر
آغاج، قلم
دوزن‌لیك، كاغیذ
ایرماق، سطیر
داش، نؤقطه
و من شاشقینلیق علامتی!
3
گؤیون گؤزلری اؤنونده
بولودو
بولودون گؤزلری اؤنونده یئلی،
یئلین گؤزلری اؤنونده
یاغیشی
و یاغیشین گؤزلری اؤنونده
تورپاغی
اوغورلادیلار،
داها سونرا بوتون گؤزلرین اؤنونده
ایكی گؤزو دیری دیری قویلادیلار
اوغرولاری گؤرن گؤزلری.
4
حلبچه اؤلومو آردینجا
تانرییا اوزون اوزادی شیكایت یازدیم
هامیدان اؤنجه
بیر آغاجا اوخودوم اونو
آغاج آغلادی!
آغاجا قونموش پوستچو قارانقوش
كیم سنین مكتوبونو چاتدیراجاق؟ – سؤیله‌دی
مندن واز كئچ
تانری عرشینه چاتانمارام من!
گئجه یاری
شعریمین قارا گئییملی مله‌یی
كده‌رلنمه
من كهكشانا قده‌ر قالدیرارام اونو ــ دئدی.
اونون قبول ائده‌جه‌یینه سؤز وئره بیلمیرم آنجاق
سن،
بؤیوك تانرینی كیمینسه گؤره‌جه‌یینی یاخشی بیلیرسن!
مینتدارام… دئدیم … اوچ!
ایلهام مله‌یی شیكایت مكتوبونو گؤتوروب اوچدو.
ائرته‌سی گون گئری دؤندوكده
تانری آپاراتی‌نین دؤردونجو درجه‌لی گؤره‌‌ولیسی،
عوبئید آدلی بیریسی،
شیكایت‌نامه‌نین اته‌یینده عربجه یازمیشدی:
آخماق!
عربجه‌یه چئویر اونو
بوردا
كیمسه كوردجه آنلامیر،
تانریییا چاتدیرامماریق!
بو شعرلری ایواز طاها به ین سیته سیندن گوتورموشم. دوستالاری بو سیته ده كی مقاله لری اوخویوب و فایدالانمالاری اوچون سیته نین گوروشونه دعوت ائدیرم.
ادامه مطلب...