.
شهریارین توركیه سفری
فكرتین اینجه خیال اولكه سینه
آكفین مارشی یاشاردیپ گوزومو
باخیرام "یحیی كمال " اولكه سینه
اوت ایسلام اوجاغی توركیادیر
بیر موسللاسی ایا صوفیادیر
بوردا رومی گیبی عاریفلر وار
صوفی لر عابیده سی قونیادیر
گورونور پرده سین آچدیقجا خیال
باشدا فیكرت له دوروپ یحیی كمال
سون ادیب لر صفیدیر ،باخ نه جمال
شهریار دان نه آغیــر ایستیقبال
بیر هیلال پارلیاراق اولدو گونش
بیر ساچاقلی گونش ، ایحلام آدلی
قول قانات آچری گئنیش بیر مولكه
امپراتوری توركان آدلی
دنیزی قالدیریپ آلمیش بئلینه
سانكی سیمرغ خیالیم اوجالیر
لاكن اولدوق دا داها مست جمال
تییره ییر حملینی ایدیكده جالیر
باخیشیم قول قانات آچدیقجا اوچور
گوز دییر قوی هله باخدیقجا باخیم
بو افقلرده سئوینجك قاریشیپ
شفقین آرخینا آخدیقجا آخیم
دیــیـــرم آكفیله گاه جوماییم
افقون جیلویه ماوی یه تینه
گاه آتام دان قول آلیپ یوكسه له لیم
باخاییم فكرتین هوریـیـتـیـنـه
طومار آچتیقجا خیال فیلم لری
جالانیر بوردا آغیر بیر تاریخ
توزلی ،قانلی ، بوغوق توفانلار
سانكی گوزلر دومان ایچره مرریخ
هر یئرین توپراغی بیر شئی به سلر
بورا دا دوغروسو قیرت كانی دیر
بورداداشدان چوق ایگیت لرسوموگو
چشمه دن بوللو شهیت لر قانی دیر
گورورم فاتحی ائتمكده هوجوم
اوخونوپ فاتحه ی دولت روم
شانلی داغلار اوجالیقلار گورورم
یینه بیر چوق دره لر ، چوق اوچوروم
گورورم بیر ابدی عزت وشان
گله جك فخری اولان بیر گئچه جك
یوق بو میللت ، بو ححقیقت اولمز
چاتاجاق خضرینه ، جالمین ایچه جك
دوزولوپ سانكی بو بالكنلار دا
گینه شاهلار تاجی ، بیگر فسیی دیر
قولاق آسسان بو افقلر ده هنوز
پاشالار نعره سی عسكر سی دیر
او گوزللر گوزلی ایستانبول
او دنیز لر قیزی ، دریا گلینی
سانكی دریا چیچگی ، نیلوفر
قول آچیپ ، ساحیله آتمیش الینی
بوردا سون بیر مدنیت یارانیپ
نه بنالر یاپیلیپ ، ال لر وار
نه جلالت ، نه صلابت علمی
آتا تورك لر گیبی هیكللر وار
شرق و قربی مدنیت قاووشوپ
بیر اصیل نسلی بو توپراقدا دوغور
معرفتدن قول آلیپ عزت نفس
جهلی ، فقری دوغولان یئرده بوغور
قوربت احساس ائیله مم من بوردا
سانكی اوز دوغما دیاریم دی منیم
نرده واردی قارینداشلاریمیز
آنا یوردومدی ، حصاریمدی منیم
من ده آذر بالاسی تورك اوغلو
قوناقام دوغما قارینداشلاریما
دئمیشم آیری دوشن لشكریمی
گئدییم وصل ائدییم باشلاریما
دیلی دینی ، قانی بیر قارداشیدیق
سوزو بیر دینله سه آغلار تاریخ
ایشده محكوم ائده رك باشچیلاری
قارا میللت لری داغلار تاریخ
بیز ده سیز تك دینه لاقید اولالی
گیتدی یئر لر بیزه گوك لر قالدی
شققه لندیك هره بیر تایدا دوشوپ
بیر كسیك باش گیبی سویلر قالدی
گل سیقاق بیر كره قارداشلیك الین
لئن ائدك نا خلف ایسلافیمیزه
بونو نادیر، او واقیت دویموشدی
قوی محبت قالا ایخلافیمیزه
اوبا لار شاعیری یم دردیمیزی
دویورام ، چوق دا درین دویقودو بو
باش توتا ، توتمایا ، اوز دویغوملا
اویورام چوق دا شیرین اویقودو بو
گوروروم آی نازلی هیلالیم سانجاق
پارلاسین گئت گئده بو سونمز اوجاق
دئمیرم قول ائدك دونیانی بیز
دونیا آرتیق بیزی اینسان ساناجاق
گؤنده ریلیب تاريخ چهارشنبه 26 آذر 1393یازار احمد محمدپور