جان اومان سئوگی
دونه نه جن آی دان آیدین حقیقت
بو گؤن ایسه گومان اولوب سئوگیمیز
دونه نه جن جانین سیجاق[1] بوجاغی
بو گون سویوخ دومان اولوب سئوگیمیز
دونه نه جن بدنیمه جانیسا
بو گون جانی اومان[2] اولوب سئوگیمیز
سوزوب گیردی جییه ریمه جانیما
جاندا قانی سوران اولوب سئوگیمیز
هانی اولو داغ[3] دییه سویكندیگیم[4]
یئل چینینده سامان اولوب سئوگیمیز
آرتیق، اؤتوب گور گور آخان گؤنلری
دامجی دامجی دامان اولوب سئوگیمیز
نه گلمه دین، نه ده گلدی گورمه دین
الینده بیر یالان اولوب سئوگیمیز
او گئجه كی دوشدو گوزوندن سنین
بئلی بوكوك كامان اولوب سئوگیمیز
گوستردیكجه خوش اوزونو، بیلمه دیك
آجیغیندان، یامان اولوب سئوگیمی
احمد محمد پور
[1]- سیجاق : ایستی
[2] - اومماق : بكله ییش،ایچده بیردیلك، ]اینتظار یارانماق[
[3] - اولو داغ : بو داغین آدی تورك ادبیاتیندا اوجالیق آنلامین داشییر
[4] - سویكنمك : دایانماق، آرخالانماق