داغ داغا یئتیشر
ایكی سئودا آراسیندا قالانلار وار
بیر سئودانین یاریسیندا قالانلاردا
**********************
سئودامیزین آراسیندان
قارا داغلار چاپیلدی
بئتون آرمه كورپولر ده یاپیلدی
آیریلساق دا آغلامادیق
كور، آراز
نازلی ،دلی،
آجی، شیرین، نئچه چای.
آغلامادیق
دوز دریاسی
قورودو.
نه بیلیردیك
قوراخلیقدیر سون اوج،
آیریلیقلارا .
*********************
بیزده بیر آنلامسیز[1] آتا سوزو وار
داغ داغا یئتیشمه یه جك میش
آنجاق
یئتیشه جك میش، بیر بیرینه آداملار
آما نیسه[2] ...
قول قولادیر
بیر بیرینه یئتیشمه یه ن او داغلار!
هله لیك
آیریلیقلار آیناسی دیر
كیملیگیمی[3] بیلیندیره ن
واراغلار.
احمد محمدپور
گؤنده ریلیب تاريخ پنجشنبه 31 مرداد 1392یازار احمد محمدپور