نئجه بولبول داریخار قیشدا باهار سینه سینه

خسته روحوم جان آتیر یئتمه یه یار سینه سینه

بیلیرم وئرمیه جك كامیمی او كوهنه حریف

گورمك ایستیر بو الیف قامتی دار سینه سینه

بیرده ای شوخ گوزلیم كئفلیه باخدین دئمه دین ؟

گوزلریم مست ائلییه ر می جالانار سینه سینه !

سنه یئتدیكده اینان غم سینه سین ییرتاجاغام

نئجه بیر تورك یاغینی یخسا چیخار سینه سینه

هر موغنی كی چالیب سینه سی اود توتسا بیلر

بارماغیمدان سوزولن نیسگیلی تار سینه سینه

 من دلی، فرهادام؛ آما ائله شیرین سن كی

قازماق اولماز او دادی، بوز قایالار سینه سینه

 آغلایب سیسقا كؤنول دردی بوشالدار گئجه لر

هر سحر دون دن آغیر داغ قالانار سینه سینه