بیر شاعیر صاف- صاف دولانیر تنهالاردا، شعیر سویله یرك


بیر سَفِی عادت، گئجه لر



            ائله ییب دردلی كونول بیر سَفِی عادت، گئجه لر
            قیلیر هر صوبحه قدر می له عیبادت گئجه لر


            من كی ایصراف ائله مزدیم بونو شیطان دا بیلیر
            بیلیرم می ساری وار حق دن عینایت گئجه لر


            دوزدو كئیف اهلی اولانلار سحر آخشام تانیماز
            باشقا بیر عالمی وار تاپسا سعادت گئجه لر


            كئف اوچون یارانانلاردا بو باش نعمت دی
            سن ده سون سوز بیر دیلك ، یاردا سخاوت گئجه لر


            من دییه ن دادی ، فقط سئوگی ده پروانه بیلیر
            سئوگیلـی دامنی آلتیندا شهـادت گئجه لـر


            بئله كی نی چالیسان ، اود چیلییه ن بارماغدان
            ائیله ییر ناله لرین شهره سرایت گئجه لر


            تبریزن سوس داماریندا، نه سیزیلتین دولانیر
            قویمادین مورگوله نه بیر گئجه راحت، گئجه لر


            قورخما، رد ائتمیه جك زهله سینه گئت سن ده
            توكه، دیرناغا بئله، واردی كراهت گئجه لر

احمد محمدپور

گؤنده ریلیب تاريخ یکشنبه 6 مرداد 1392یازار احمد محمدپور