ظالیم یاریم بیلیردین كی
سنین سئوگین سرطان دیر
***************
اوز اوزومدن سوروشورام
سحر
آخشام
نه دن سنی اونوتماغی باجارمیرام؟
من می قایغی گوستری ره م
یوخسا سنین
قیر ساققیزا دؤنوب سئوگین؟
بیر زامانلار جان وئریردی بدنیمه سنین سئوگین
آنجاق، ایندی
زلی كیمی یاشامینا دوام ائدیر
او اوزدن دیر
گون دن گونه
سانتیم سانتیم چورودوگوم.
ایندی گولوم،
زیارت ائتمك ایسته سن
عونوانیم بو:
عشق آدینا بیر سرطان موبتلاسی
احمد محمدپور