نازلی جان
نازلی جان، ائتدیگین نازینا قوربان
بونجا دا داش اؤرك اولارمی اینسان
سنسیز آچیلدی دان اورتادا قالان
منیم شام قدریم سنده كور ویجدان
چوخدور اؤزدن كئچمه سئودالین اولان
یوخدور منیم تكین یانیب كؤل اولان
سنینله یم من، آی ادالی جیران
آی قارا گؤزوندن شییر جالانان
باخیشین نه ائتدی بو بدباختینان
ایله ییر آهیزار، چكیر دادامان
سون اوج دا من اولدوم بو عشق اؤزؤندن
داملا داملا سؤزؤب یئره جالانان
بو گؤنلر سئوگیمیز دیللرده گزیر
اینانمیرسان بیر چیخ شهری دولان
من ده دولانیرام شهری سن ده
سن سه سئوینج یوكو من سه باغری قان
سن یئنی لیلی سن، من یئنی مجنون
سئودا سمبولویوق بیز بو صاباحدان
بیز عشق مؤزه سینین قودسال تملی
پاموكلار دیلینده آردیجیل رؤمان
خسته خیاللارین أن زیروه سینده
هوسكار شاییرلار یازاجاق دؤوان
چكدیردیین دردلر یئترینجه دیر
بیر قورتو درمان وئر الینه قوربان
دونیانین ان بد بخت ظولومكاریدیر
سئوگی قارشیسیندا عداوت قیلان
محبته نیفرت هاردا یازیلیب
سنی ایناندیغین او قوتسال قوران
ادامه مطلب...
سن سیز گئجه لر
سندن ایز آراماقدا داها یوخ ثمر
سانكی اودوب سنی بو ناققا شه هر
شام یانار من یاننام سحره قده ر
توكنمك بیلمز كی ،سن سیز گئجه لر
منه آیبنیزله آچیلار هر گون
ائلله ره گونشله آچیلان سحر
من كی هئچ اولو داغ اولسایدی بئله
بئلینی بوكه ردی بو قدر كه در
مینلر جان آسیلی دوداقلاریندان
گؤلؤمسرسن مینلر جانیندان گئچر
وئرمه ره م دونیایا بیر قه پیه ده یر
یانلیز بیر باخیشین دونیایا ده یر
تكجه من دئیلم كی سن سیز قالان
مدرسه یولوندا خلوت كوچه لر
او خوشبخت آنلاری یادینا سالیب
منی تك گورونجه بورونور كدر
گزیب دولاندیقجا او گوذارلاری
سن سیز ده ، جانلانیر او خاطیره لر
بیلمیرم كی هاردا؟ نه زامان؟ آنجاق
"اؤرگینی آلاجاغام بیر تهر"
ادامه مطلب...
بكله ییش
(اینتیظار)
خسته یم گوزلریم قالیب قاپیدا
اینتیظار چكیر كی لیلی گله جك
چیخاردیب، گؤزومون یاشین سیله جك
اللری كؤنلومون قابارلارینی
بیلیرم گؤزونه باخدیخجا گؤزوم
قارا بولوتلار تك یاغیب بوزاران
گیله لر لیلی یه گیلی له نه جك:
اولسون كی اؤلسم ده جان جیزدیغیندان
چكدیردیگین دردلر بیلینمیه جك
سئودان سوموكلردن سیلینمیه جك
اینان او گؤنده ده یازیق كونلؤمو
دؤنوب دانیشدیرسان دیله گله جك
كؤلؤم هاواسیندا گه زه ن شه هرین
تورپاغی، داشی دا لیلی دیه جك
احمد محمدپور
ادامه مطلب...
یاردان، یارادان
یار یاردی سینه می چیخدی آرادان
نه یاردان باش آشدیم نه ده یارادان
گئدیب مرحم اولدو ائل یاراسینا
منیمسه الیمی اوزدو چارادان
منده فرهاد تكین داغلارا كوچوب
اولدوم بو سئوگینی یازیب یارادان
غونچه دوداغینی بال دوداغنی
اونوتا بیلمزكی بیركره دادان
گئدنده هله لیك دئدین آیریلدین
یول اوستون كسمیشم گئچن جوما دان
سندن قورتولاجاغیم اولورمو؟ نئجه؟
یئنی دردلر دوغور كوهنه یارادان
او گوزده درینلیك، بو گوزده دنیز
دنیز سئوگیلری گوزدور یارادان
احمد محمدپور
ادامه مطلب...
ادامه مطلب...
ایفطار چاغی
سولوب غونچه ایكن لاله یاناغی
اودلانیب سوروشور دیلی دوداغی
شیرین دیللی صونام سن سویله باری
سونا چاتاجاغمی بو هیجران داغی
گؤستر بو هیجرانا بیر ایفطار چاغی
تپه دن دیرناغا ایستك اولموشام
مندن بوشالمیشام سنه دولموشام
آند اولا جانیوا دای یورولموشام
سئچیلمیر گوزومون قارادان آغی
اودلانیب سوروشور دیلی دوداغی
شیرین دیللی صونام سن سویله باری
سونا چاتاجاغمی بو هیجران داغی
گؤستر بو هیجرانا بیر ایفطار چاغی
تپه دن دیرناغا ایستك اولموشام
مندن بوشالمیشام سنه دولموشام
آند اولا جانیوا دای یورولموشام
سئچیلمیر گوزومون قارادان آغی
گؤستر بو هیجرانا بیر ایفطار چاغی
حسرت دولو دویغولارا دالمیشام
درد الیندن آرتیق جانا دویموشام
گوزلریمدن عوممان یولا سالمیشام
قورویوب گوزومون جوشگون بولاغی
گؤستر بوهیجرانا بیر ایفطار چاغی
طاقتیم یوخ آیریلیقا دوزماغا
بوینو بؤكؤك حسرت سؤزؤ یازماغا
عشقه كؤسگؤن قایدالاری پوزماغا
چئویریبده یاز بیر یئنی واراغی
گؤستر بو هیجرانا بیر ایفطار چاغی
احمد محمدپور
ادامه مطلب...